Milliy statistika qo‘mitasining dastlabki ma’lumotlariga ko‘ra, 2025-yilning yanvar-mart oylarida O‘zbekiston Respublikasida asosiy kapitalga o‘zlashtirilgan investitsiyalar hajmi 120,4 trln so‘mni tashkil etgan.
Bu ko‘rsatkich 2024-yilning mos davri bilan solishtirilganda 15,9 trln so‘mga yoki 7,9 % ga oshgan.
2025-yil yanvar-mart oylarida jami 8,7 mlrd dollar xorijiy investitsiya va kreditlar o‘zlashtirilgan bo‘lsa, ulardan yangi asosiy fondlarni yaratishga qaratilgan asosiy kapitalga xorijiy investitsiya va kreditlar 6,6 mlrd dollar yoki 85,4 trln so‘mni tashkil etgan.
